Дали брзото слабеење е опасно?
Едно од најчестите фитнес прашања е – дали пребрзото намалување на телесната тежина е опасно по здравјето? Она што фитнес експертите читаат помеѓу редови е – дали треба да се прегладнувам за да намалам неколку килограми?
Најчесто и брзото намалување на телесната тежина не е опасно (иако знае и да биде доколку се претера), но на долги патеки е лошо за Вас, бидејќи дополнително ќе Ве здебели. Но, кога веќе зборуваме за пребрзо намалување на тежината, треба да се дефинира што е пребрзо. Имено, границата се гледа во оној миг кога покрај масните наслаги почнувате да го губите и мускулното ткиво. Ова не е опасно во смисла дека ќе Ви го загрози животот, но на долги патеки има негативни здравствени импликации.
Губењето на мускулното ткиво ја намалува вкупната потрошувачка на калории во организмот, истовремено ја намалува и способноста за регулација на нивото на шеќерот во крвта, а секако Ве прави и послаби.
Што е уште пострашно, кога ќе престанете со диетата, мускулното ткиво за брзо време ќе биде заменето со масни наслаги. Секој килограм масни наслаги зафаќаат по 18 проценти поголем простор од еден килограм мускулно ткиво.
Кога ќе започнете со програма за намалување на телесната тежина, треба да запомните:
Подгответе се за стагнација
На почетокот од програмата ќе ја намалувате телесната тежина линеарно, што значи дека рамномерно ќе намалувате по приближно еднаков број килограми секоја недела. Но, како што ќе станувате полесни, намалувањето ќе станува помало, а во еден миг ќе се соочите и со стагнација. Затоа, не очајувајте доколку вагата стои на истото место неколку дена, па дури и неколку недели – колку поблиску стигнувате до целта, толку стагнациите се подолги.
Направете одмор
На секои 8 до 12 недели направете комплетна пауза од диетата во времетраење од 7 дена. Не се прејадувајте свесно, но обидете се да не бидете толку рестриктивни кон себеси. Ова е добра ментална и физичка пауза од диетата, што им овозможува на луѓето да ги одржат диетите на подолг период.
Редефинирајте го напредокот
Најдете други показатели за успех покрај вагата. Следете го нивото на триглицериди во крвта, крвниот притисок, процентот на телесни масти итн. Штом овие бројки ќе започнат драстично да се подобруваат, ќе имате поголема мотивација за да истраете до крајното остварување на планот.
